ABŞ Dövlət Departamenti Şimali Koreya sərhədini keçən ABŞ əsgərinin ekstradisiyasına dair sorğuların Şimali Koreya tərəfindən cavabsız qaldığını bildirib.
Elchi.az xəbər verir ki, ABŞ Dövlət Departamentinin sözçüsü Metyu Miller, mövzu ilə bağlı mətbuata verdiyi açıqlamada, “Dünən Müdafiə Nazirliyi (Pentaqon) Koreya Xalq Ordusunda (KPA) olan həmkarlarına çatmağa çalışdı. Anladığım qədəri ilə əlaqə cəhdləri (əsgərin geri qaytarılması) cavabsız qaldı” deyib.
Miller əlavə edib ki, Ağ Ev, Pentaqon və Dövlət Departamenti əsgərin təhlükəsizliyi və onun ölkəyə qayıtması üzərində birgə işləyir.
Hazırda Şimali Koreyanın ABŞ və Cənubi Koreya ilə aktiv dialoqu yoxdur və məsələ ilə bağlı danışıqların necə aparılacağı məlum deyil.
Şayəstə Hüseynova
