Çin Xalq Respublikasının Xarici İşlər Nazirliyi bəyan edib ki, Çinin Odessadakı Baş Konsulluğunda partlayış nəticəsində divarların bir hissəsini uçub, pəncərələr sökülüb. Elchi.az xəbər verir ki, bu barədə departament rəsmi saytında məlumat yayıb.
İdarədən verilən məlumata görə, hadisə nəticəsində xəsarət alan olmayıb. Nazirlik əlavə edib ki, Pekin hadisələri diqqətlə izləyir və lazımi təmaslarla əlaqə saxlayır. Çin həmçinin Ukraynadakı qurumlarının və işçilərinin təhlükəsizliyini təmin etmək üçün lazımi tədbirlər görür.
Bundan əvvəl Rusiya Müdafiə Nazirliyi bəyan edib ki, ölkənin Silahlı Qüvvələri iyulun 20-də Odessa vilayətində pilotsuz katerlərin saxlanıldığı və istehsal olunduğu obyektlərə cavab zərbələri endirməkdə davam edib. Öz növbəsində BMT-nin baş katibi Antonio Quterreş Rusiyanın Krım körpüsündə törədilən terror aktına cavab olaraq Odessaya endirdiyi zərbələri pisləyib.
Havar Şəfiyeva
