Boko Haram terror təşkilatının üzvləri Kamerun baş nazirinin müavininin arvadını oğurlayıblar.
Axar.az xəbər verir ki, terrorçular baş nazir müavininin evinə də hücum ediblər.
Hadisə nəticəsində 3 nəfər həlak olub.
“Çox gərgin vəziyyətdir. Boko Haram qruplaşmasının Kolofat şəhərində yerləşən üzvləri əsgərlərimizə hücum edir”, – deyə Kamerun ordusunun polkovniki Feliks Nji Forkemonq bildirib.
Onun sözlərinə görə, hücum edənlər baş nazirin müavininin həyat yoldaşı Amadu Əli və bir neçə nəfəri girov götürüblər. Baş nazirin müavini isə cangüdənləri tərəfindən şəhərdən çıxarılıb.
