Dünyanın ən böyük sosial şəbəkəsi olan “Facebook”da problem yaranıb; “İnstagram”a da daxil olmaq mümkün deyil
10:56
Bu dəqiqələrdən etibarən instagram şəkil paylaşım şəbəkəsində də əngəl yaranıb.
Dünya nəhəngi şəbəkələrin çökməsinin səbəbi hələlik məlum deyil.
* * * *
Musavat.com xəbər verir ki, Azərbaycanda “facebook”da əngəl yaranıb.
Saat 10:20-dən etibarən facebook sosial şəbəkəsinə daxil olmaq mümkün olmayıb.
Şəbəkəyə daxil olmaq istəyən istifadəçilər “bağışlayın, nə isə yolunda getmir. Ən qısa vaxt ərzində bunu həll edəcəyik” yazısı ilə qarşılaşıblar.
Qeyd edək ki facebook-a tək Azərbaycanda deyil, Türkiyədə, Rusiyada, Almaniyada, İsveçdə də daxil olmaq mümkün deyil.
* * * *
“Facebook”da baş verən problem Azərbaycanla əlaqəli deyil”.
Bunu anspress-ə açıqlamasında Rabitə və Yüksək Texnologiyalar Nazirliyinin mətbuat xidmətinin rəhbəri Müşfiq Əmirov deyib.
O bildirib ki, sosial şəbəkənin və “İntagram”ın işləməməsi ölkədaxili problemdən qaynaqlanmır. Nazirlik rəsmisi problemin şirkətlə əlaqəli olduğunu qeyd edib.
Qeyd edək ki, “Facebook” və “İnstagram” sosial şəbəkəsinə girişdə problem yaranıb.
ANS PRESS-in “qaynar-xətti”nə müraciət edən oxucularımız sosial şəbəkələrdən istifadə edə bilmədiklərini deyirlər.
Sosial şəbəkələrdə texniki problemin saat 10:15-dən etibarən başladığı deyilir. İlkin ehtimal kimi Facebook-a kiber hücüm həyata keçirildiyi güman edilir.
Qeyd edək ki, “Facebook” və “İnstagram” bir şirkətin tərkibində yer alır.
