ABŞ dövlət katibi Entoni Blinken bildirib ki, bütün dünya Vaşinqton və Pekin arasında daha məsuliyyətli münasibətlərin olmasını istər. Elchi.az xəbər verir ki, bu barədə Bloomberg yazır.
“Dünyanın hər yerindən eşitdiyim açıq bir mesaj var ki, həm ABŞ, həm də Çin münasibətlərə görə məsuliyyət daşımalıdır” deyə o bildirib.
Blinkenin sözlərinə görə, son vaxtlar ABŞ ölkələr arasında münasibətlərə ən azı müəyyən qədər sabitlik gətirməyə çalışır. Bu məqsədlə ABŞ-ın maliyyə naziri Canet Yellen və İqlim üzrə elçi Con Kerri, eləcə də Ağ Evin digər nümayəndələri Pekinə səfər ediblər.
Qeyd edək ki, bundan əvvəl Çin prezidenti Si Tsinpin ABŞ-ın keçmiş dövlət katibi Henri Kissincerlə görüşüb. Çin lideri Pekin və Vaşinqton arasında münasibətlərin normallaşmasına ümid etdiyini bildirib.
Havar Şəfiyeva
