Yaponiya Nazirlər Kabinetinin baş katibi Matsuno Hirokazu Şimali Koreyanın nüvə və raket inkişaf proqramlarının ölkəsinin və dünyanın təhlükəsizliyini təhdid etdiyini və Şimali Koreyanın addımlarını yaxından izləyəcəklərini bildirib.
Elchi.az xəbər verir ki, Yaponiya Dövlət Televiziyası NHK-nın xəbərinə görə, Matsuno keçirdiyi mətbuat konfransında Şimali Koreya ilə bağlı açıqlamalar verib.
Matsuno, Panmunjom atəşkəs razılaşmasının 70-ci ildönümünün qeyd olunması da daxil olmaqla Şimali Koreyanın addımlarını yaxından izləyəcəklərini bildirib.
Şimali Koreyanın nüvə və raket proqramlarının Yaponiyanın və dünyanın sülh və təhlükəsizliyini təhdid etdiyini və “qəbuledilməz” olduğunu bildirən Matsuno, tam nüvəsizləşdirmə üçün BMT Təhlükəsizlik Şurasının müvafiq qətnamələrinin tam şəkildə yerinə yetirilməsini təmin etmək üçün digər ölkələrlə birlikdə çalışacaqlarını ifadə etdi…
Matsuno,Simali Koreya lider Kim Çen In ilə Rusiya Müdafiə naziri Sergey Şoyqunun iyulun 27-də görüşləri ilə bağlı sualını cavabsız qoyaraq, o qeyd edib ki, “Yaponiya hökuməti Şimali Koreyanın hər addımını şərh etməkdən çəkinəcək”.
Nuranə Məmmədova
