Kreml Rusiya prezidenti Vladimir Putinin noyabrda San-Fransiskoda keçiriləcək Asiya-Sakit Okean İqtisadi Əməkdaşlıq Təşkilatının (APEC) sammitinə dəvət almasını gözləmir.
Elchi.az xəbər verir ki, bu barədə TASS-a dövlət başçısının mətbuat katibi Dmitri Peskov bildirib.
Bundan əvvəl “The Washington Post” Amerika rəsmilərinə istinadən yazıb ki, ABŞ hakimiyyəti Putini bu görüşə dəvət etmək niyyətində deyil.
“Bundan əvvəl, indiyədək çoxlu tədbirlər var. Bu, hələ müzakirə olunmayıb. Amma biz bu dəvəti mütləq gözləməyəcəyik”, – Peskov Kremlin artıq Vaşinqtondan bildiriş alıb-almadığı sualına cavabında deyib.
Foruma 19 ölkə və 2 ərazi daxildir. Onların arasında 12 təsisçi var: Avstraliya, Bruney, İndoneziya, Kanada, Malayziya, Yeni Zelandiya, Sinqapur, ABŞ, Tailand, Filippin, Cənubi Koreya və Yaponiya. Həmçinin ÇXR (1991-ci ildə daxil olub), Meksika və Papua Yeni Qvineya (1993), Çili (1994), Rusiya, Vyetnam və Peru (1998) də iştirak edir. 1991-ci ildə iki Çin ərazisi, Honq-Konq və Tayvan APEC-ə qoşuldu.
Nuranə Məmmədova
