Rusiya Müdafiə Nazirliyi Ukraynanın Moskva vilayətinə pilotsuz uçuş aparatları (PUA) ilə hücum cəhdinin qarşısı alındığını bildirib.
Elchi.az xəbər verir ki, nazirlikdən verilən yazılı açıqlamada, “Bu gün səhər saatlarında Kiyev rejiminin PUA-larla Moskva vilayətindəki obyektlərə terror aktı törətmək cəhdinin qarşısı alınıb”. deyilib.
İHA-ların Rusiya hava hücumundan müdafiə sistemləri tərəfindən məhv edildiyi qeyd edilən açıqlamaya görə, bloklanan hücumlar nəticəsində insan itkisi baş verməyib.
Moskva meri Sergey Sobyanin isə sosial media hesabından verdiyi açıqlamada Ukraynanın PUA-larla hücum cəhdinin qarşısı alındığını, lakin düşən pilotsuz təyyarələrin Moskvada bəzi qüllələrə dəyərək zərər gördüyünü, ölən və yaralanan olmadığını bildirib.
Digər tərəfdən, sosial mediada yayılan bəzi görüntülərdə Moskvanın göydələnlərinin yerləşdiyi Moskva Siti bölgəsində PUA-lardan birinin qəzaya uğraması nəticəsində partlayışın baş verdiyi görülüb.Ukraynanın 24 və 28 iyul tarixlərində Rusiyanın paytaxtı Moskvaya PUA-larla hücumlar təşkil etdiyi, ölən və yaralananların olmadığı bildirilib.
Şayəstə Hüseynova
