Kanadanın Kalqari şəhərinin qərbində dağlıq ərazidə tək mühərrikli sərnişin təyyarəsinin qəzaya uğraması nəticəsində 6 nəfər həlak olub.
Elchi.az xəbər verir ki, Kanadanın Kalqari şəhərinin qərbində dağlıq ərazidə yerləşən Kananaskisdə 6 nəfərin olduğu tək mühərrikli Piper PA-32 qəzaya uğrayıb.
Kanada Kral Atlı Polisi (RCMP) tərəfindən edilən açıqlamada Kanadanın Britaniya Kolumbiyası bölgəsindəki Salmon Arm bölgəsinə getmək üçün Kalqari yaxınlığındakı Springbank Hava Limanından qalxan təyyarədə aralarında pilot da daxil olmaqla 6 nəfərin öldüyü bildirilib.
RCMP Baş Serjantı Ryan Singleton, yerli vaxtla saat 21:30 radələrində təyyarə ilə əlaqənin tamamilə kəsildiyini və təyyarənin gecikdiyi bildirildikdən sonra Kanada Kral Hərbi Hava Qüvvələri (RCAF) tərəfindən axtarışa başlanıldığını bildirib.
Axtarış işləri nəticəsində təyyarənin qalıqlarının tapıldığını bildirən Singleton, “Çətin relyef şəraiti səbəbindən pilot və sərnişinlərin cəsədlərinə çatmaq çox çətin idi. Ancaq 6 nəfərin cəsədi uğurla tapıldı”.
Kanada Nəqliyyat Təhlükəsizliyi Şurasının qəza ilə bağlı araşdırma apardığı açıqlanıb.
Şayəstə Hüseynova
