İran hökuməti misli görünməmiş isti dalğasının ictimai sağlamlığa təsirini azaltmaq üçün ölkə daxilində dövlət və özəl qurumların iki gün müddətinə bağlanacağını açıqlayıb.
Elchi.az xəbər verir ki, Hökumət sözçüsü Əli Bahadori Çehromi çərşənbə axşamı Tvitter hesabında yazıb: “Yaxın günlərdə gözlənilən misli görünməmiş isti dalğası ilə əlaqədar vətəndaşların sağlamlığının qorunması məqsədilə Səhiyyə Nazirliyinin çərşənbə və cümə axşamı günləri milli bayramların keçirilməsi təklifi qəbul edilib.”
Dövlətə məxsus IRIB TV-yə danışan sözçü bildirib ki, bütün dövlət və özəl qurumlar bağlanacaq, əsas xidmətləri göstərən qurumlar isə fəaliyyətlərini davam etdirmək üçün müvafiq orqanlardan icazə ala bilərlər.
İranın Səhiyyə Naziri Bəhram Eynullahi bazar ertəsi bildirib ki, nazirlik çərşənbə və cümə axşamı ölkədə təsirli olacağı gözlənilən isti dalğası səbəbindən temperaturun 40 dərəcə Selsidən çox olacağı gözlənilən bölgələr üçün Nazirlər Kabinetinə 2 günlük tətil təklifi təqdim edib.
İran Meteorologiya İdarəsinin hava proqnozlarına əsasən, ölkənin bir çox əyalətlərində çərşənbə və cümə axşamı günlərdə havanın temperaturu 40 dərəcə Selsi ətrafında və ya ondan yuxarı qalxacaq. Digər tərəfdən, Əhvaz kimi bəzi şəhərlərdə havanın temperaturu 50 dərəcəni keçəcək.
Nuranə Məmmədova
