Fransanın xarici işlər naziri Ketrin Kolonna bildirib ki, hazırda Paris öz hərbi kontingentini Nigerdən çıxarmaq niyyətində deyil.
Elchi.az bu barədə Mk.ru-ya istinadən bildirir.
“Biz indi bu mövzunu nəzərdən keçirmirik”,-deyə o, Nigerdə hakimiyyəti ələ keçirən hərbçilərin tələblərinə cavab olaraq Fransa mediasına bildirib.
Eyni zamanda, Kolonna onlara Qərbi Afrika Dövlətlərinin İqtisadi Birliyinin (ECOWAS) ölkələrini dinləməyi tövsiyə edib. Əvvəllər xəbər verildiyi kimi, bu təşkilata daxil olan bəzi dövlətlər prezident Məhəmməd Bazumu hakimiyyətə qaytarmaq üçün lazım gələrsə, Nigerə qoşun göndərməyə hazır olduqlarını bəyan ediblər.
Bundan əvvəl ECOWAS Niger ordusunu bazar günündən gec olmayaraq Bazuma hakimiyyəti qaytarmağı çağıraraq, əks halda hərbi əməliyyata başlaya biləcəkləri barədə xəbərdarlıq etmişdi.
Yeganə
