Nigerdəki üsyançılar Qərbi Afrika Ölkələri İqtisadi Birliyinin ultimatumu fonunda ölkədə hava məkanını bağladıqlarını elan ediblər. Elchi.az xəbər verir ki, bu barədə “Əl-Ərəbiyyə” məlumat yayıb.
“Nigerdəki üsyançıların hərbi şurası ölkənin hava məkanının bağlandığını elan edir”, – məlumatda deyilir.
Qeyd edək ki, iyulun 27-nə keçən gecə Nigerdə hərbçilər prezident Məhəmməd Bazumun vəzifəsindən uzaqlaşdırıldığını və hakimiyyətin Vətənin Qurtuluşu Milli Şurasına verildiyini bəyan ediblər. sərhədlərin bağlandığını, konstitusiyanın fəaliyyətinin dayandırıldığını və hər hansı siyasi partiyaların fəaliyyətinə qadağa qoyulduğunu da bəyan ediblər.
Havar Şəfiyeva
