Böyük Britaniya Ukraynaya 90 milyon funt sterlinqdən çox dəyərində hava hücumundan müdafiə avadanlığının tədarükü üçün üç müqavilə imzalayıb. Elchi.az xəbər verir ki, bu barədə Britaniya hökumətinin saytında məlumat verilib.
Bunlar arasında Norveçin Kongsberg Gruppen müdafiə şirkəti tərəfindən daha əvvəl elan edilən pilotsuz uçuş aparatları (PUA) ilə mübarizə üçün “CORTEX Typhon” sistemlərinin tədarükü üçün 56 milyon funt sterlinqlik müqavilə və Ukraynanın hava hücumundan müdafiə imkanlarının genişləndirilməsi üçün daha iki müqavilə var.
Qeyd edilir ki, “CORTEX Typhon” sistemi iki istifadəçi üçün nəzərdə tutulub. Maksimum səmərəlilik üçün tez bir zamanda yerləşdirilə və köçürülə bilər. Sistem tək başına və ya dronları məhv etmək və ya sıradan çıxarmaq üçün sensorlar, kameralar, radar və elektron müşahidə avadanlığından istifadə etməklə inteqrasiya olunmuş şəbəkənin bir hissəsi kimi istifadə edilə bilər.
Havar Şəfiyeva
