Serbiya Prezidenti Aleksandr Vuçiç Türkiyə prezidenti Rəcəb Tayyib Ərdoğanla Budapeştdə görüşün Serbiya -Türkiyə münasibətlərinin möhkəmlənməsi prosesində növbəti addım olduğunu bildirib.
Elchi.az xəbər verir ki, bu barədə TASS məlumat yayıb.
Onun sözlərinə görə, Ərdoğanla ikitərəfli və regional aktual məsələlər ətrafında mühüm və açıq söhbət olub. Vuçiç bildirib ki, Serbiya tərəfi üçün Ankara ilə mümkün olan ən yaxşı münasibətləri saxlamaq vacibdir və bu görüş qarşılıqlı maraq doğuran bütün sahələrdə onsuz da yaxşı olan Serbiya-Türkiyə əməkdaşlığının gücləndirilməsi istiqamətində növbəti addım olub.
O əlavə edib ki, Türkiyə prezidenti ilə regionda sülhün və sabitliyin qorunmasının vacibliyini müzakirə edib.
Nuranə Məmmədova
