Konqresmen, Respublikaçılar Partiyasından ABŞ Nümayəndələr Palatasının üzvü Lauren Bobert Baydeni Delaverdəki çimərlikdə istirahət etdiyinə və Havayda şiddətli yanğınlar fonunda Ukraynaya yardım çağırışına görə tənqid edib. Elchi.az xəbər verir ki, o, bu barədə “X” sosial şəbəkəsində yazıb.
O, minlərlə insanı evsiz qoyan Havayda güclü meşə yanğınları zamanı Baydenin Delaverdəki Rehoboth Beach-də istirahət etdiyini söylədi. O, həmçinin Kemp Deviddəki iqamətgahında və daha bir həftə Tahoe gölündə vaxt keçirdi. Bobert Amerika liderinin Ukrayna üçün daha 24 milyard dollar istədiyini də xatırladıb.
ABŞ-da yanğınlar quru hava və güclü külək səbəbindən baş verib. Nəticədə, 19-cu əsrdə Havay krallığının paytaxtı statusuna malik olduğu üçün turistlər arasında populyar olan və böyük mədəni əhəmiyyətə malik olan Lahaina şəhəri tamamilə məhv olub.
Bundan əvvəl Maui qraflığının mətbuat xidməti xəbər verib ki, meşə yanğınlarının bərpasına çəkilən xərclər 5,52 milyard dollar qiymətləndirilir. Təbii fəlakət nəticəsində 2170 bina dağılıb və ya zədələnib ki, bunun da 86 faizi yaşayış sektorundadır.
Havar Şəfiyeva
