Liviyada hökumət Niger və Misirdən olan 456 qeyri-qanuni miqrantı vətənə qaytarıb.
Elchi.az xəbər verir ki, Liviyanın daxili işlər naziri İmad et-Tripoli paytaxt Tripolidə qeyri-qanuni immiqrasiya ilə mübarizə idarəsində mətbuat mənsublarına açıqlama verib.
Tripoli ölkəyə qeyri-qanuni yollarla daxil olan 294 Misir və 162 Niger qeyri-qanuni miqrantın deportasiya edildiyini bildirib.
Tripoli qeyd edib ki, nigeriyalı immiqrantlardan 102-si son bir neçə gündə Tunis-Liviya sərhədində ölkəyə daxil olarkən tutulub.
Liviyanın qeyri-qanuni miqrasiyadan əziyyət çəkdiyini bildirən Tripoli, Qeyri-qanuni İmmiqrasiya ilə Mübarizə Departamentinin yaxın günlərdə Afrikadan daha 300 qeyri-qanuni immiqrantı ölkələrinə göndərməyi planlaşdırdığını bildirib.
Liviya daha əvvəl dəfələrlə Afrikadan yüzlərlə qeyri-qanuni miqrantı ölkələrinə geri göndərmişdi.
Nuranə Məmmədova
