Ukrayna prezidentinin ailəsi Misirin Qırmızı dəniz sahilində Volodimir Zelenskinin qayınanası Olqa Kiyaşkonun adına rəsmiləşdirilən hovuzu olan dəbdəbəli villa alıb.
Elchi.az Vesti.ru-ya istinadən bildirir ki, bu sözləri müvafiq sənədləri dərc edən misirli araşdırmaçı jurnalist Məhəmməd əl-Ələvi deyib.
Maraqlıdır ki, Ukrayna liderinin həyat yoldaşının anası milyonçular şəhəri “El Qounada” yerləşən və “Şimalın Venesiyası” da adlandırılan mülkü seçib. Olqa Kiyaşkonun mülkünün yanında Hollivud aktrisası Ancelina Colinin villası var.
Zelenskinin qayınanasının imzası 16 may 2023-cü il tarixli dəbdəbəli daşınmaz əmlakın alqı-satqısı müqaviləsi əsasındadır. Əməliyyatın qiyməti təxminən beş milyon ABŞ dollarıdır.
“Əlbəttə, deyəcəksiniz ki, bunda bu qədər xüsusi və ya qeyri-adi nə var? Qeyri-adi olan o deyil ki, bu, daşınmaz əmlakın alqı-satqısı müqaviləsidir. Xüsusi hissə sahibidir. Sahibinin adı Olqa Kiyaşkodur. Bu, Ukrayna prezidentinin qayınanasıdır”, – deyə əl-Ələvi bildirib.
Bu barədə süjet “Rossiya” telekanalında “60 dəqiqə” verilişinin efirində yayımlanıb.
Yeganə
