İsveçin üç şəhərində bir gecədə 4 partlayış baş verib, xəsarət alan olmayıb.
Elchi.az TASS-a istinadən xəbər verir ki, bu barədə Agence France-Presse (AFP) məlumat yayıb.
İlk iki partlayış yerli vaxtla saat 01:00 radələrində krallığın qərb sahilində yerləşən Göteborq şəhərində 10 dəqiqəlik fərqlə baş verib. Bir saat sonra paytaxt Norsborq şəhərətrafı və Stokholmdan təxminən 100 km cənubda yerləşən Nyköping şəhərində partlayış baş verib. Polisin məlumatına görə, hər dörd partlayış yaşayış binalarında baş verib.
Göteborq polisinin bəyanatında deyilir: “Ölənlər barədə məlumat yoxdur, yalnız maddi ziyan dəyib”.
Şəhər rəsmiləri AFP-yə bildiriblər ki, partlayışların səbəbləri barədə nəticə çıxarmaq hələ tezdir.
Agentliyin məlumatına görə, son illər İsveçdə atışma və partlayışlarla müşayiət olunan kriminal fəaliyyətdə artım müşahidə olunur. 2022-ci ildə krallığın polisi 90 partlayış və bu cür cinayətlərin təşkili üçün 101 cəhd qeydə alıb. Bu il avqustun 15-nə kimi 109 partlayış qeydə alınıb.
Nuranə Məmmədova
