Avropa Komissiyasının rəsmi nümayəndəsi Dana Spinant Rusiya qazından imtinanı təsdiq edə bilməyib. Elchi.az xəbər verir ki, onun sözlərini RİA Novosti yayıb.
Rusiya qazının idxalına mümkün məhdudiyyətlərin tətbiqi ilə bağlı suala o cavab verib ki, sanksiyalar heç vaxt əvvəlcədən qeyd olunmur. Eyni zamanda, Spinant etiraf edib ki, Avropa Komissiyası indi Rusiya yanacağından imtina etmək üçün səylər göstərir.
“Ən yaxşı həll yolu mümkün olan yerdə onu bərpa olunan təmiz enerji mənbələri ilə əvəz etməkdir” deyə o qeyd edib. Əgər bərpa olunan enerji mənbələri ilə əvəz etmək mümkün deyilsə, o zaman Avropa İttifaqı alternativ təchizatçılar axtarır, deyə Spinant əlavə edib.
Bundan əvvəl məlum olub ki, Aİ ölkələri Qərbin 2027-ci ilə qədər Rusiyanın enerji resurslarından imtina etmək istəyinə baxmayaraq, 2023-cü ildə Rusiyadan rekord həcmdə mayeləşdirilmiş təbii qaz idxal etməyi planlaşdırır.
Havar Şəfiyeva
