Ukrayna Silahlı Qüvvələrinin Almaniyada təlim keçən briqadası cənub istiqamətində ağır itki verib. Elchi.az xəbər verir ki, bu barədə “The Times” qəzeti yazır.
Qeyd olunur ki, söhbət “Bradley” döyüş maşınları və “Leopard” tankları ilə təchiz edilmiş 47-ci briqadadan gedir. Nəşr qeyd edir ki, Ukrayna hərbçilərinin əraziləri təmizləmək üçün texnikaları yoxdur.
Xüsusilə də hərbçilər zirehli texnikanın tez-tez Rusiyanın minalanmış ərazilərində dayanmasından və atəşə məruz qalmasından şikayətlənirlər.
Bundan əvvəl Ukrayna Silahlı Qüvvələrinin 32-ci Əlahiddə Mexanikləşdirilmiş Briqadasının əsgərləri hərbi kadrların NATO standartlarına uyğun hazırlanmasında ciddi problemlərdən şikayətləniblər. Ukrayna hərbçiləri vurğulayıb ki, təlimatçılar onlara cəbhədəki reallıqdan çox fərqli şəraitdə hərbi əməliyyatların aparılmasını öyrədiblər.
Havar Şəfiyeva
