“Uğur qazanmaq üçün, yüksək nəticəyə iddialı olmaq, məqsəd qoymaq və çox çalışmaq lazımdır. Mən yalnız imtahan verim, yüksək nəticə əldə edim deyərək çalışmadım. Müəllim olan ilk gündən daim araşdırıb, öyrənməyə çalışmışam. Bu da imtahanda uğur qazanmağıma yardımçı oldu”.
Bunu Elchi.az-a müsahibəsində sertifikasiya imtahanından yüksək nəticə göstərən ibtidai sinif müəllimi Səidə Bağışova deyib.
O, həmçinin açıqlamasında diaqnostik qiymətləndirmədə də hazırlaşmadan yüksək nəticənin əldə etdiyini vurğulayıb:
“Bu dəfə dedilər ki, imtahan tək ibtidai sinif səviyyəsində olmayacaq, ona görə də gecəmi gündüzümə qatıb çalışdım.
Bir atalar sözünü misal çəkmək istəyirəm. İşləməyən dəmir pas tutar. Ona görə də müəllim olan kəs daima öz üzərində çalışmalıdır .Çünki gələcəyimiz olan balalar biz müəllimlərdən öyrənirlər. Biz nəyi necə öyrətməyi bilməliyik ki ,onlara da öyrədək”.
Qeyd edək ki, Səidə Bağışova Qusar rayonun Urva kəndində ibtidai sinif müəllimi işləyir. Sertifikasiya imtahanından 60 bal yığaraq, ölkə üzrə yüksək nəticə göstərib.
Havar Şəfiyeva
