Fransa Milli Tezlik Agentliyi (Agence nationale des frequences – ANFR) ölkədə Apple-ın iPhone 12 -nin satışına müvəqqəti qadağa tətbiq etmək qərarına gəlib. Bu , tənzimləyicinin saytında yerləşdirilən mesajdan irəli gəlir .
Elchi.az xəbər verir ki, Agentliyin Apple-dan iPhone 12-ni Fransa bazarından 12 sentyabr 2023-cü il tarixindən geri çağırmasını xahiş etdiyi vurğulanır. Səbəb bu modelin xüsusi udma əmsalı həddini aşmasıdır.
Xüsusi udma dərəcəsi (SAR) xüsusi bir göstəricidir. O, bir saniyə ərzində insan orqanizminin toxumalarına sorulan elektromaqnit sahəsinin enerjisini təyin edir. Cib telefonlarının insanlara zərərli təsirlərini ölçmək üçün istifadə olunur.
Apple indi pozuntunu dərhal düzəltməlidir. Əgər şirkət bunu etməsə, ondan artıq satılan bütün smartfonları geri çağırmaq tələb olunacaq.
SAR iPhone 12 – 5,74 Vt/kq. Maksimum icazə verilən sürət 4 Vt/kq-dır.
Fransanın Rəqəmsallaşma və Telekommunikasiya naziri Jan-Noel Barrot bildirib ki, “Apple”a proqram təminatını yeniləmək üçün iki həftə vaxt verilib.
Apple-ın sentyabr təqdimatı sentyabrın 12-də baş tutdu. Tədbirdə şirkət bir neçə yeni məhsulu, o cümlədən Apple Watch smart saatlarının yeni seriyasını və iPhone 15 smartfonunu nümayiş etdirib.
Nuranə Məmmədova
