Nikolay Bordyuja Qarabağ münaqişəsinin həllindən danışıb
Kollektiv Təhlükəsizlik Müqaviləsi Təşkilatının (KTMT) birinci katibi Nikolay Bordyuja İrəvana səfəri çərçivəsində Dağlıq Qarabağ münaqişəsinin həlli ilə bağlı müzakirə aparıb.
ANS PRESS-in məlumatına görə, o, xarici işlər naziri Edvard Nalbandyan ilə görüşüb, əməkdaşlıq məsələlərini müzakirə edib.
N.Bordyuja Ermənistan-Azərbaycan sərhədində, qoşunların təmas xəttində vəziyyətin gərginləşməsindən narahatlığını deyib, KTMT-nin Dağlıq Qarabağ münaqişəsinin sülh yolu ilə tənzimlənməsinə dəstək verəcəyini söyləyib.
E.Nalbandyan Ermənistanın KTMT-yə təhlükəsizliyinin təminatı kimi baxdığını deyib: “Bu, bizim üçün əhəmiyyətli komponentdir və ümid yeridir. Biz təşkilat çərçivəsində qarşılıqlı əlaqələrin möhkəmləndirilməsi üzrə ardıcıl səylərimizi davam etdirəcəyik.” KTMT rəhbəri Nikolay Bardyuja isə qurumun Azərbaycan-Ermənistan sərhədində baş verən gərginliyə qarışmayacağını deimşdi. O, bunun KTMT nizamnaməsinə zidd olduğunu bildirmişdi.
Bildirilib ki, KTMT-yə üzv ölkələrin nümayəndələrinin bu ilin yazında görüşü keçiriləcək.
ANS PRESS
