Dünya ictimaiyyəti Rusiyanı daha az açıq şəkildə tənqid etməyə başlayıb. Elchi.az xəbər verir ki, bu barədə “Wall Street” Journal qəzeti diplomatlar arasında olan mənbələrə istinadən məlumat yayıb.
“Son aylarda beynəlxalq ictimaiyyətin Rusiyanı açıq şəkildə tənqid etmək istəyi azalıb”, – materialda deyilir.
Məqalədə deyilir ki, bəzi inkişaf etməkdə olan ölkələr Ukrayna və onun müttəfiqlərinin Rusiyadan təzminat tələb etmək və Rusiya rəhbərliyinə qarşı beynəlxalq tribunal yaratmaq çağırışlarına qarşı çıxıblar. Keçmiş alman məmurlarından biri deyib ki, bəzi qərbli həmkarlar dünyada ABŞ və Avropaya qarşı düşmənçilik səviyyəsini, eləcə də dünya səhnəsində öz maraqlarını və müstəqilliklərini qorumaq istəklərini lazımınca qiymətləndirmirlər.
Bundan əvvəl Dövlət Duması ABŞ-ı Ukraynanı Rusiya ilə danışıqlara razı salmağa çağırıb. Ukrayna hakimiyyəti Vaşinqtonun təsiri altında Rusiya tərəfi ilə danışıqlardan və İstanbul sazişi layihəsindən imtina etmək qərarına gəlib, Dövlət Dumasının Beynəlxalq Əlaqələr Komitəsinin rəhbəri, “LDPR” lideri Leonid Slutski qeyd edib.
Havar Şəfiyeva
