ABŞ Ermənistan-Azərbaycan münaqişəsinin dinc şəkildə başa çatması üçün səylərini davam etdirir. Mən bilirəm ki, siz keçən il “Laçın dəhlizi”nin açılmasına şərait yaratmaq üçün danışıqlar aparmısınız.
Elchi.az xəbər verir ki, bunu Senatda Qarabağdakı vəziyyətlə bağlı dinləmələr zamanı senator Ceyms Riç deyib.
“Bizim üçün vacib olan bu bölgəyə sülh gətirməliyik və bölgəni Rusiyanın təsirindən çıxarmalıyıq. Bu, bizim üçün vacibdir. Əgər biz effektiv siyasət aparmasaq, Rusiyanın təsirinin bərpasının şahidi ola bilərik və hətta Çinin də öz rolunu artırması mümkündür. ABŞ və onun avropalı müttəfiqləri Qafqazın gələcəyində mühüm rol oynamalıdırlar.
ABŞ-ın Qarabağdakı böhrana cavab tədbirləri ABŞ-ın regionda siyasətinin genişləndirilməsi baxımından kritik əhəmiyyət kəsb edəcək”, – deyə senator bildirib.
