ABŞ prezidenti Co Baydenin oğlu Hunter Bayden odlu silah alarkən üç yalan danışmaqda ittiham olunur. Bu ittihamlardan sonra ABŞ-da ilk dəfə olaraq vəzifədə olan prezidentin uşağı cinayət təqibinə məruz qalıb.
Elchi.az xəbər verir ki, ABŞ prezidenti Co Baydenin oğlu Hunter Baydenə qarşı federal ittihamlar irəli sürülüb.
ABŞ-ın Delaver əyalətindəki Dairə Məhkəməsinə xüsusi prokuror David Weiss tərəfindən təqdim edilən ittihamnamə ilə Hunter Bayden federal səviyyədə odlu silah alarkən üç dəfə yalan danışmaqda günahlandırılıb.
İttiham aktında qeyd olunub ki, Hunter Bayden 2018-ci ilin oktyabrında Delaver ştatında silah mağazasından Colt Cobra modeli silahı alarkən federal tələb olunan formalarda narkotik istifadəçisi olduğu barədə yalan danışıb. İddianamədə Hunter Baydenin vergi pozuntuları ilə bağlı heç bir ittiham yoxdur. ABŞ federal qanunlarına görə, narkotik istifadəçisi olarkən belə sənədlər üzərində yalan danışmaq və ya odlu silaha sahib olmaq cinayət sayılır.
Nuranə Məmmədova
