Kuba Xarici İşlər Nazirliyinin rəhbəri həmvətənlərinin Ukraynada olmasını və onların muzdlu döyüşçü kimi münaqişədə iştirakını təkzib edib. Elchi.az bu barədə “Reuters”a istinadən xəbər verir.
“Kuba hökumətinin birmənalı və sarsılmaz mövqeyi, milli qanunvericiliyinə uyğun olaraq, Kuba vətəndaşlarının istənilən növ münaqişələrdə iştirakına qarşıdır və muzdlulara və insan alverinə qarşı yönəlib”, – Kubanın xarici işlər naziri Bruno Rodriguez bildirib. Bu qanunların pozulması uzun müddətə azadlıqdan məhrum etmə və ya hətta ömürlük həbs cəzası ilə nəticələnir.
Bundan əvvəl Kubada vətəndaşları Ukrayna münaqişəsinə cəlb etdiklərinə görə 17 nəfərin həbs edildiyi bildirilirdi. Saxlanılan şəxslər Rusiya tərəfində xüsusi əməliyyatda iştirak etməyi təklif ediblər.
Havar Şəfiyeva
