Keniya polisinin keçirdiyi əməliyyatda qeyri-qanuni hərbi təlim keçirən 4 xarici ölkə vətəndaşı saxlanılıb.
Elchi.az xəbər verir ki, yerli mətbuatda yer alan xəbərə görə, Keniya polisi paytaxt Nayrobidə bir oteldə qeyri-qanuni hərbi təlim keçdiyi təsbit edilən 4 nəfərə qarşı əməliyyat keçirib.
Polis ölkəyə turist vizası ilə daxil olan 2 Kamerun, 1 Nigeriya və 1 Toqo vətəndaşının dini qurum olan “Connacce International Chaplain” damı altında hərbi təlim keçdiyini bildirib.
Məhkəməyə çıxarılan 4 əcnəbi vətəndaş zaminə buraxılıb.
Məhkəmə prokurorun bu şəxsin cinayətlərinin araşdırılması üçün 5 sutka həbsdə saxlanması barədə vəsatətini təmin etməyib və işə sentyabrın 20-də baxılmasına qərar verib.
Keniya polisi ölkədə qeyri-qanuni fəaliyyətlə məşğul olan əcnəbilərə qarşı əməliyyatlar keçirir.
Şayəstə Hüseynova
