Bu gün BMT Baş Assambleyasının 78-ci sessiyası öncəsi ABŞ dövlət katibi Entoni Blinken Birləşmiş Millətlər Təşkilatının (BMT) baş katibi Antonio Quterreşlə danışıqlar aparıb.
Elchi.az Reuters.com-a istinadən xəbər verir ki, bu barədə ABŞ Dövlət Departamentinin mətbuat katibi Metyu Millerin bəyanatında deyilir.
Həmsöhbətlərin Qara Dəniz Taxıl Təşəbbüsü, Ukraynadakı müharibə və Haitidəki təhlükəsizlik vəziyyəti də daxil olmaqla, geniş spektrli məsələləri müzakirə etdikləri bildirilir.
“Onlar Birləşmiş Ştatlardakı vəziyyəti, Baş Assambleyanın prioritetlərini, o cümlədən BMT Nizamnaməsinin və Ümumdünya İnsan Hüquqları Bəyannaməsinin əsas prinsiplərinin gücləndirilməsini, BMT-nin XXI əsrin çağırışlarına cavab vermək üçün modernləşdirilməsini və bu istiqamətdə səylərimizi müzakirə ediblər. Dövlət katibi ABŞ-da sintetik narkotik təhlükəsi ilə mübarizə, Birləşmiş Millətlər Təşkilatının Dayanıqlı İnkişaf Məqsədlərinə nail olmaq üçün süni intellektdən istifadə və iri infrastruktur layihələrinə özəl kapitalın cəlb edilməsi ilə bağlı paralel fəaliyyətlər barədə məlumat verib. Dövlət katibi məhsuldar həftənin yüksək səviyyədə təmin edilməsi üçün göstərdiyi səylərə görə Baş katibə təşəkkür edib”, – deyə bəyanatda bildirilir.
Yeganə
