Ermənistanın baş naziri Nikol Paşinyan və Almaniya kansleri Olaf Şolz telefonla Dağlıq Qarabağdakı vəziyyəti müzakirə ediblər.
Elchi.az xəbər verir ki, bu barədə Ermənistan Nazirlər Kabinetinin mətbuat xidməti məlumat yayıb.
“Həmsöhbətlər Dağlıq Qarabağ ətrafında yaranmış hərbi-siyasi vəziyyət və onun aradan qaldırılması üçün atılan addımları müzakirə ediblər. Dağlıq Qarabağ əhalisinin təhlükəsizliyinin və hüquqlarının təmin edilməsinin zəruriliyi vurğulanıb”, – məlumatda deyilir.
Sentyabrın 19-da Dağlıq Qarabağda növbəti eskalasiya başlayıb. Bakı “yerli antiterror tədbirləri”nə başladığını elan edib və erməni hərbçilərinin bölgədən çıxarılmasını tələb edib. İrəvan Qarabağda erməni silahlı qüvvələrinin olmadığını bəyan edib və baş verənləri “genişmiqyaslı təcavüz” adlandırıb. İrəvan sakinləri Ermənistan hökumət binası qarşısında etiraz aksiyası keçirərək, baş verənlərə görə ölkə rəhbərliyini və şəxsən baş nazir Nikol Paşinyanı ittiham ediblər.
Rusiya münaqişə tərəflərini qanı dayandırmağa və diplomatik həll yoluna qayıtmağa çağırıb. Sentyabrın 20-də Azərbaycan Müdafiə Nazirliyi Rusiyanın sülhməramlı kontingentinin iştirakı ilə Qarabağda antiterror tədbirlərinin dayandırılması ilə bağlı razılığın əldə olunduğunu açıqlayıb. Sentyabrın 21-də Azərbaycanın Yevlax şəhərində Bakının nümayəndələri ilə Qarabağın erməni əhalisi arasında “reinteqrasiya məsələlərini müzakirə etmək” üçün görüş keçirilib.
Nuranə Məmmədova
