Bunu Milli Məclisin komitə sədri Ziyad Səmədzadə deyib
Azərbaycanda kənd təsərrüfatı sahəsinə vergi tətbiq olunsaydı büdcəyə 1,7 milyard gəlir yığmaq olardı”.
ANS PRESS-in məlumatına görə, bunu Milli Məclisin İqtisadi- siyasət komitəsinin sədri Ziyad Səmədzadə deyib. O, vergilər naziri Fazil Məmmədovun Milli Məclisin iclasındakı çıxışını xatırladıb. Ziyad Səmədzadə qeyd edib ki, ancaq hökumət vergi sahəsində bəzi sektorlara güzəştlər edir: “Kənd təsərrüfatı sahəsi də dövlətin güzəştlərindən yararlanır. Dövlət bunun üçün bütün şəraitləri yaradır”.
Bu gün Bakıda Vergilər Nazirliyinin yaradılmasının 15 illik yubileyinə həsr olunmuş “Azərbaycanın vergi sistemi: reallıqlar və perspektivlər” mövzusunda 2 günlük IV Vergi Forumu öz işinə başlayıb.
ANS PRESS-in məlumatına görə, forumun plenar iclasında Prezident Administrasiyasının, Milli Məclisin, Nazirlər Kabinetinin, digər dövlət orqanlarının, Milli Elmlər Akademiyasının müvafiq strukturlarının, Avropa Birliyinin, Dünya Bankının, Beynəlxalq Maliyyə Korporasiyasının, Rusiya, Türkiyə, Litva və Qazaxıstanın vergi xidməti orqanlarının, yerli bankların, qeyri-hökumət təşkilatlarının, sahibkarların ictimai birliklərinin, kütləvi informasiya vasitələrinin nümayəndələri və iş adamları iştirak edir.
ANS PRESS
