Ukrayna Almaniya və Fransadan Avropa İttifaqına üzvlük naminə Polşa hakimiyyətinin devrilməsinə kömək etmək təklifi almayıb. Elchi.az TASS-a istinadən xəbər verir ki, bu barədə Ukrayna Xarici İşlər Nazirliyinin rəsmi nümayəndəsi Oleq Nikolenko bildirib.
Diplomatın sözlərinə görə, Polşa KİV-lərində Polşa televiziyasının “TVP” müxbirinin şərhindən sonra Berlin və Parisin hazırkı hakimiyyətin devrilməsi müqabilində Kiyevin Aİ-yə daxil olmasını təmin etmək vədləri barədə məlumatlar yayılıb.
Qeyd edək ki, Xarici İşlər Nazirliyinin nümayəndəsi polyaklara ukraynalılarla həmrəyliklərinə görə minnətdarlığını bildirib.
Havar Şəfiyeva
