Çexiyanın yeni müdafiə strategiyasında Rusiya ölkə üçün ən ciddi təhlükə hesab olunur, sənəd artıq respublikanın Təhlükəsizlik Şurası tərəfindən təsdiqlənib, oktyabrda hökumətdə səsvermə gözlənilir.
Elchi.az bu barədə Reuters.com-a istinadən xəbər verir.
Sözügedən sənəddə qeyd edilib:
“Yeni müdafiə strategiyası Rusiyanı Çexiya üçün ən ciddi təhlükə kimi təqdim edir. Münaqişə baş verəcəyi təqdirdə, Çexiyanın müttəfiq qüvvələr üçün mühüm nəqliyyat arteriyasına çevriləcəyini nəzərə almaq lazımdır.
Çexiyanın müdafiə siyasətinin əsas vəzifəsi texnoloji cəhətdən inkişaf etmiş, nüvə silahı olan düşmənə qarşı uzunmüddətli, yüksək intensivlikli müdafiə müharibəsinə hazırlaşmaqdır”.
Sənəd yaxşı silahlanmış və təlim keçmiş silahlı qüvvələrin yaradılmasını və Çexiya ərazisinin çoxlu sayda müttəfiq qoşunlarının mümkün köçürülməsi üçün hazırlanmasını tələb edir. Yeni strategiyada həmçinin bildirilir ki, Çexiyanın müdafiəsi yalnız peşəkar hərbçilər tərəfindən təmin edilə bilməz.
Yeganə
