Slovakiyanın keçmiş baş naziri, böyük müxalifət partiyası “Smer”-in rəhbəri Robert Fiko sosial şəbəkələrdə videomüraciətində Ukrayna prezidenti Volodimir Zelenskiyə münasibətin dəyişdiyini və onun bütün dünyanı bezdirməyə başladığını bildirib.
Elchi.az bu barədə Mk.ru-ya istinadən xəbər verir.
Fikonun sözlərinə görə, ən böyük şahinlər artıq başa düşüblər ki, Ukraynada maliyyə baxımından inanılmaz dərəcədə mürəkkəb olan münaqişə uzunmüddətli perspektivdə dayanıqlı deyil. Buna görə də slovakiyalı siyasətçi qeyd edir ki, Zelenski ilə başqa dildə danışmağa başlayırlar.
Fiko xatırladıb ki, Zelenskiyə Konqresdə çıxış etməyə icazə verilməyib. O, həmçinin Kanada parlamentində Zelenskinin “SS Galicia” diviziyasının keçmiş əsgəri olduğu üzə çıxan 98 yaşlı Yaroslav Hunkeni alqışladığı qalmaqalı təsvir edib. Fiko vurğulayıb ki, əgər İkinci Dünya Müharibəsi zamanı Hunke Zelenskinin Qızıl Orduda döyüşçü olan babası ilə görüşsəydi, o zaman bir saniyə belə tərəddüd etmədən onu öldürərdi.
Yeganə
