Serbiya prezidenti Aleksandr Vuçiç “CNN” telekanalına müsahibəsində bildirib ki, Avropa İttifaqına (Aİ) daxil olmaq Serbiya üçün prioritet məsələdir.
Elchi.az bu barədə Ria.ru-ya istinadən xəbər verir.
O, Kosovo ilə bağlı vəziyyətdə Serbiyanın konstruktiv hərəkət etdiyini və güzəştə getdiyini də qeyd edib. Vuçiç Priştinanı tədricən etnik təmizləmədə ittiham edib. Serbiya prezidentinin sözlərinə görə, o, bütün məsələləri müzakirə etməyə və tərəfdaşlarla, o cümlədən Avropa və Amerika dostları ilə təmaslara həmişə açıqdır.
Vuçiç əvvəllər “iki stulda oturmaq” ittihamlarını rədd edib. O, fəxr etdiyi öz “Serb kreslosu”nun olduğunu bəyan edib. O, həmçinin bildirib ki, siyasi rəqiblərinin neçə kürsü olması onu maraqlandırmır və qeyd edib ki, bu kürsülər nə ona, nə də serblərə lazım deyil. O, Serbiyanın Avropa yolu ilə getdiyini, lakin öz dövlət və milli maraqlarını qoruduğunu qeyd edib. Vuçiçin sözlərinə görə, Serbiyaya 2000-2012-ci illərdə başqalarının əmrlərini yerinə yetirən itaətkar siyasətçilər rəhbərlik edib. Həmin dövrdə onun fikrincə, ölkə yoxa gedirdi.
Yeganə
