Polşa hökumətinin sözçüsü ümid edir ki, ukraynalılar üçün əlavə müvəqqəti müavinətlər məsələsi bağlanacaq.
Elchi.az xəbər verir ki, Polşa hökumətinin sözçüsü Piotr Muler ukraynalılara sosial yardımın gələn ilə qədər uzadılmayacağına ümid etdiyini bildirib. O, bu barədə çərşənbə axşamı, oktyabrın 3-də jurnalistlərə bildirib.
Mülerin sözlərinə görə, hazırda Polşada qüvvədə olan həllər müvəqqətidir.
“Mövcud qərarlar müvəqqətidir; onların uzadılıb-uzadılmaması gələn il üçün sualdır. Ümid edirəm ki, buna ehtiyac olmayacaq və ümid edirəm ki, əlavə, müvəqqəti müavinətlər məsələsi bağlanacaq”, – Muler deyib.
İndi Polşadakı ukraynalı qaçqınlar bir sıra imtiyazlara malikdirlər, o cümlədən işləmək hüququ, sosial müavinətlər, mənzil haqqının ödənilməsində yardım, pulsuz tibbi xidmət və avtomobil sığortası.
Şayəstə Hüseynova
