Britaniya Rəqabət və Bazarlar Təşkilatı (CMA) Microsoft-un bulud oyun hüquqları istisna olmaqla Activision Blizzard-ı almasını təsdiqləyib.
Elchi.az xəbər verir ki, CMA-nın bəyanatına görə, qurum Microsoft-un bulud oyun hüquqları istisna olmaqla Activision-u almasının bazarda rəqabətqabiliyyətli qiymətlərə və xidmətə zərər verməyəcəyi qənaətinə gəlib.
Ubisoft Activision Blizzard-ın bulud oyun hüquqlarını alacaq.
Bu ilin aprel ayında CMA, Microsoft-un bulud oyun bazarının gələcəyini dəyişdirəcəyinə dair narahatlıqlar səbəbiylə təxminən 69 milyard dollara Activision-u almasını blokladığını açıqladı.
Digər tərəfdən Microsoft, keçən ay Activision Blizzard-ı satın almaq üçün tənzimləyici orqana yeni bir razılaşma təqdim etdi.
Strukturlaşdırılmış razılaşma çərçivəsində Microsoft-un qarşıdakı 15 il ərzində satışa çıxarılacaq bütün mövcud və yeni Activision oyunları üçün bulud axını hüquqlarını əldə etməyəcəyi və bu hüquqların Microsoft-un Activision-u əldə etməsindən əvvəl Ubisoft Entertainment SA-ya satılacağı ifadə edildi.
Şayəstə Hüseynova
