İsrailin xarici işlər naziri Eli Koen Vatikanlı həmkarı Paul Gallagherdən Həmas Hərəkatını birmənalı şəkildə pisləməyi xahiş edib.
Elchi.az xəbər verir ki, İsrail Xarici İşlər Nazirliyindən verilən açıqlamada, “Vatikanın İsrailin yaşadığı problemlərlə daha çox maraqlanacağı gözlənilir.
Açıqlamada Koenin “Vatikan İsrail vətəndaşlarına qarşı törədilən qanlı terroru açıq və birmənalı şəkildə pisləməlidir” dediyi vurğulanıb.
Görüşdə əsassız müqayisələrə yer olmadığını və HƏMAS-ın İŞİD-dən də betər, günahsız vətəndaşlara zərər vuran bir terror təşkilatı olduğunu iddia edən Koen, “İsrail demokratik dövlətdir, vətəndaşlarını bundan qorumağa çalışır”,- deyib.
Katoliklərin ruhani lideri və Vatikanın prezidenti Papa Fransisk oktyabrın 15-də verdiyi açıqlamada, “Humanitar qanunlara hörmət edilməlidir, xüsusilə Qəzzada humanitar dəhlizlərə zəmanət vermək və bütün insanlara yardım göstərmək təcili və zəruridir” – ifadələrdən istifadə edib.
Nuranə Məmmədova
