Rusiya parlamentinin aşağı palatası Duma, Rusiyanın Hərtərəfli Nüvə Sınaqlarının Qadağası Müqaviləsini (CTBT) ratifikasiyasının ləğvi ilə bağlı qanun layihəsini qəbul edib.
Elchi.az xəbər verir ki, ümumi yığıncaqda keçirilən səsvermənin ikinci və üçüncü turunda sazişin təsdiqinin geri götürülməsi ilə bağlı qanun layihəsi deputatlar tərəfindən yekdilliklə qəbul edilib.
Rusiya parlamentinin aşağı palatası Dumanın spikeri Vyaçeslav Volodin ABŞ-ın qlobal təhlükəsizliyin qorunması üzrə öhdəliklərinə qarşı kobud münasibətinə cavab olaraq bu qanun layihəsinə səs verdiklərini bəyan edib.
Volodin deyib: “Fikir verin, 23 ildir ki, bu sənədi (ABŞ-da) təsdiq etmirlər. Dünən oyanıb Dumanın deputatlarını xatırlayıblar. Belə məsuliyyətlə istefa verməlidirlər. Belə münasibətə, sinizm və ikili standartlara görə. Hər yerdə alovlanırlar. Özlərini dominant, birqütblü güc kimi hiss edirlər. dedi.
Qanun layihəsi Rusiya parlamentinin yuxarı palatası olan Federasiya Şurasında qəbul edildikdən sonra Rusiya prezidenti Vladimir Putinin imzası ilə qanuna çevriləcək.
Putin Beynəlxalq Valday Klubunun iclasında ABŞ-ın razılaşmanı təsdiq etmədiyini xatırladıb və lazım gələrsə, sazişin təsdiqini ləğv edə biləcəklərini bildirib.
Şayəstə Hüseynova
