HƏMAS-ın silahlı qanadı İzzəddin əl-Qəssam Briqadaları oktyabrın 7-də səhər saatlarında “Əqsa tufanı” adlı hərtərəfli hücuma keçdikdən sonra Fələstinli qruplarla İsrail arasında qarşıdurmalar 12-ci gününə qədəm qoydu, İsrail isə davam edir.
Elchi.az xəbər verir ki, Fələstin Səhiyyə Nazirliyi oktyabrın 7-dən İsrailin Qəzza zolağına təşkil etdiyi hücumlarda ölənlərin sayının ən az 3300-ə yüksəldiyini, 13 min nəfərin yaralandığını açıqlayıb.
Mühasirədə olan Qəzza zolağına zərbələr endirməyə davam edən İsrailin Cibalya bölgəsində, Nusayrat Qaçqınlar Düşərgəsində və Qəzza zolağında Yarmuk və Zeytun məhəllələrində həyata keçirdiyi hava və dəniz hücumlarında 30-a yaxın fələstinli həyatını itirib.
İsrail qüvvələri Nusayrat Qaçqınlar Düşərgəsindəki çörək sexini də hədəfə alarkən, oradakı hücumda ən azı 2 fələstinli həyatını itirib.
İsrailin Qəzza zolağının cənubunda Xan Yunisə hücumu nəticəsində biri uşaq olmaqla üç fələstinli həlak olub.
İsrail, Qəzza ətrafındakı Netiv HaAsara qəsəbəsində Fələstin qruplaşması ilə qarşıdurmada 2 İsrail əsgərinin öldüyünü açıqlayıb və bununla da oktyabrın 7-dən bu yana şəhid olan əsgərlərinin sayını 304-ə çatdırıb.
İsrail ordusu Livan ərazisindən atılan tank əleyhinə raket hücumu nəticəsində 4 əsgərinin yüngül xəsarət aldığını bildirib. Ordudan verilən yazılı açıqlamada tank əleyhinə raketin atıldığı ərazinin artilleriya atəşinə tutulduğu qeyd edilib.
Şayəstə Hüseynova
