Macarıstan Avropa İttifaqında və NATO-da Rusiyanın troya atı ola bilər, çünki ölkə Rusiya ilə ikitərəfli dostluq münasibətlərini saxlamaq niyyətindədir. Elchi.az RİA Novostiyə istinadən xəbər verir ki, bunu Estoniya parlamentinin Milli Müdafiə Komissiyasının sədri Kalev Stoicesku deyib.
Millət vəkili bu fikri Macarıstanın baş naziri Viktor Orbanla Rusiya prezidenti Vladimir Putinin Çində keçirilən görüşü fonunda bildirib. Danışıqlar zamanı Orban bildirib ki, Macarıstan Rusiya ilə münaqişəyə girməyə can atmır və Moskvaya qarşı tətbiq edilən sanksiyaları pozmadan ikitərəfli münasibətləri saxlamaq istəyir.
Bundan əvvəl Estoniyanın baş naziri Kaja Kallas Putinlə Orban arasında keçirilən görüşə mənfi reaksiya verərək, onu çox xoşagəlməz və heç bir məntiqdən məhrum adlandırıb.
Havar Şəfiyeva
