İran mediası və SEPAH-a məxsus sosial media kanalları Dağıstanın paytaxtı Mahaçqala şəhərində baş verən iğtişaşlardan yazıb, hava limanına soxulanları alqışlayıb.
Elchi.az xəbər verir ki, bu barədə İRNA xəbər agentliyi xüsusi yazı dərc edib.
SEPAH-a bağlı Teleqram kanalları isə iğtişaşçıların dini şüarlar səsləndirərək, hava limanına girmələrini “sionizmə qarşı mübarizə” kimi təqdim edib.
Qeyd edək ki, ötən gün Mahaçqala hava limanına yerli sakinlərdən ibarət böyük izdiham toplaşaraq, yəhudilərin respublika ərazisindən çıxarılmasını tələb edib. Qarşıdurmalarda polislər xəsarət alıb, həbs olunanlar var. Mahaçqala hava limanı fəaliyyətini müvəqqəti olaraq dayandırıb.
