Yaponiya hökuməti Nazirlər Kabinetinin iclasında oktyabrın 7-də İsrailə hücumla əlaqədar Fələstinin HƏMAS hərəkatının rəhbər üzvlərinə qarşı əlavə sanksiyalar paketini təsdiqləyib.
Sanksiyalara doqquz şəxs və bir təşkilat əlavə edilib ki, onların aktivlərinin dondurulması nəzərdə tutulub.
Bu barədə Yaponiya Xarici İşlər Nazirliyi məlumat verib.
Məlumata görə, siyahıya xüsusilə Fələstin, Sudan, İordaniya və Misir vətəndaşları, həmçinin kriptovalyuta alqı-satqısı ilə məşğul olan bir şirkət daxil edilib. Yaponiyanın HƏMAS-la əlaqəli şəxslərə qarşı sanksiya siyahısına ümumilikdə 47 fiziki şəxs və şirkət daxildir.
Yaponiya hökuməti HƏMAS-ın İsrailə qarşı terror hücumlarını pislədiyini dəfələrlə vurğulayıb və eyni zamanda münaqişənin bütün tərəflərini beynəlxalq hüquqa əməl etməyə çağırıb.
