Dövlət katibi Antoni Blinken Yaxın Şərqə yeni turu çərçivəsində cümə günü İsrailə gələcək .
Elchi.az xəbər verir ki , bu barədə AFP ABŞ Dövlət Departamentinin rəsmi nümayəndəsi Metyu Millerə istinadən yazır.
Blinkenin İsrail hökumətinin üzvləri ilə görüşəcəyi, daha sonra regionun digər ölkələrinə səfər edəcəyi dəqiqləşir. Bu, ABŞ dövlət katibinin Fələstin-İsrail münaqişəsinin gərginləşməsindən sonra Yaxın Şərqə ikinci səfəri olacaq.
Bundan əvvəl Antoni Blinken bildirmişdi ki, Qəzza zolağı üçün ən yaxşı variant Fələstin Milli Administrasiyasının nəzarəti öz üzərinə götürməsi və son nəticədə yerli sakinlərin təhlükəsizliyi üçün məsuliyyət daşıması olacaq.
Bununla belə, o qeyd edib ki, Qəzza zolağının İsrailin və ya HƏMAS hərbi hərəkatının nəzarətinə verilməsi səhv olardı .
Bloomberg daha əvvəl iddia etmişdi ki, ABŞ və İsrail hərbi əməliyyatların başa çatmasından və HƏMAS üzərində qələbədən sonra Qəzza zolağının gələcəyi ilə bağlı müxtəlif variantları müzakirə edir.
Öz növbəsində Bloomberg məlumatlı mənbələrə istinadən yazır ki, ABŞ və İsrail hərbi əməliyyatların başa çatmasından və HƏMAS üzərində qələbədən sonra Qəzza zolağının gələcəyi ilə bağlı bir neçə variantı öyrənirlər. Mətbuatın yazdığına görə, mümkün variantlardan biri ABŞ, Böyük Britaniya, Almaniya və Fransa hərbçilərinin dəstəyi ilə Yaxın Şərq regionu ölkələrinə Qəzzə üzərində müvəqqəti nəzarətin təmin edilməsidir.
Nuranə Məmmədova
