ABŞ Demokratik Partiyası həm Fələstin, həm də İsrail tərəfdarı konqresmenlərin mövcudluğu ilə bağlı fikir ayrılığına düşüb ki, bu da seçkilərə və müxtəlif qanun layihələri üzrə konqres səsverməsinə təsir göstərə bilər. Elchi.az xəbər verir ki, bu barədə “Axios” agentliyi Yaxın Şərq məsələsində partiya üzvləri arasında münaqişə hallarını nümunə göstərərək bildirib.
Nəşr Fələstin əsilli ilk konqresmen Rəşidə Tlaibdən sitat gətirir: “Mən ABŞ prezidenti Co Bayden bilsin ki, bir fələstinli amerikalı, eləcə də müsəlman inancına malik bir şəxs kimi bunu unutmayacağam”- deyə qeyd edib. O, Ağ Evin Həmas qruplaşması ilə münaqişədə İsraili dəstəkləməsinə qarşı keçirilən mitinqdə müvafiq bəyanatla çıxış edib.
Müəlliflər xüsusilə ABŞ kampuslarında HƏMAS-a dəstəyi pisləyən iki qanun layihəsinin tezliklə səsvermənin keçirilməsindən, eləcə də İrana qarşı yeni sanksiyaların tətbiqindən narahatdırlar. Qanun layihələri respublikaçılar tərəfindən irəli sürülsə də, onun həmsponsorları arasında demokratlar da var. Müəlliflər bu qanun layihələrinin dəstəklənməsinin Demokrat Partiyası daxilindəki qarşıdurmanı daha da şiddətləndirə biləcəyini yekunlaşdırırlar.
Havar Şəfiyeva
