Terror təşkilatı Boko Haramın Kamerunda təşkil etdiyi hücumda 16 mülki vətəndaş həyatını itirib.
Elchi.az xəbər verir ki, mətbuatda yer alan xəbərlərə görə, Boko Haram üzvləri Uzaq Şimal bölgəsindəki Liman qəsəbəsində dinc sakinlərə hücum edib.
Hücumda 16 mülki vətəndaş həyatını itirib.
Hücumdan sonra təhlükəsizlik qüvvələri bölgədə əməliyyata başlayıb.
2000-ci illərin əvvəllərindən Nigeriyada mövcud olan Boko Haramın 2009-cu ildən bəri təşkil etdiyi kütləvi zorakılıqlarda 20 mindən çox insan həyatını itirib.
Təşkilat 2015-ci ildən ölkənin sərhəd qonşuları Kamerun, Çad və Nigerdə də hücumlar həyata keçirir.
Şayəstə Hüseynova
