Almaniya kansleri Olaf Şoltsun hakim koalisiyası gələn il Ukraynaya hərbi yardımı iki qat artıraraq 8 milyard avroya çatdırmağa razılaşıb.
Elchi.az Reuters.com-a istinadən bildirir ki, bu barədə Berlindəki siyasi mənbələr xəbər verir.
Parlament tərəfindən təsdiq olunarsa, Almaniyanın müdafiə xərcləri ümumi daxili məhsulun 2,1%-i hədəfinə qədər artacaq.
Sosial Demokratlar, Azad Demokratlar və Yaşıllar partiyasından olan qanunvericilər noyabrın 16-da Bundestaqın büdcə komitəsinin rəsmi iclasından əvvəl təklif olunan 2024-cü il federal büdcəsi ilə bağlı danışıqları genişləndirmək barədə razılığa gəliblər.
Müdafiə naziri Boris Pistorius ARD TV-yə müsahibəsində Ukraynaya hərbi yardımın həcminin iki dəfə artırılmasının planlaşdırıldığını bildirib: “Bu, Ukraynaya güclü siqnaldır ki, biz onu darmadağın etməyəcəyik. Bu addım razılaşdırılarsa, illik büdcədən ayrılan vəsait bütün il üçün kifayət edəcək”,-deyə mənbədən bildirilib.
Almaniyanın “Bild am Sonntag” qəzeti də komissiyanın əlavə 4 milyard avronu təsdiq etməli olduğunu yazıb.
Yeganə
