Paytaxtda fahişəxana açan şəxslər yaxalanıblar

Xarici qadınları Bakıya gətirərək onları fahişəliyə məcbur edən şəxslər yaxalanıblar.

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə əməliyyat İnsan Alverinə Qarşı Mübarizə Baş İdarəsi əməkdaşları tərəfindən keçirilib.

Keçirilən əməliyyat tədbirləri zamanı Ağdam rayon sakini Elnur Rafiqov Özbəkistan vətəndaşı olan qadınları cinsi istismara məruz qoyması məlum olub. O, həmin qadınların intim xidmətlərindən aldıqları qazancları mənimsəyirmiş.

Əməliyyat zamanı Elnur Rafiqov hüquq-mühafizə orqanları tərəfindən saxlanılıb.

Digər əməliyyat zamanı Türkmənistan qızlarını fahişəliyə vadan edən şəxs saxlanılıb. Belə ki, Türkmənistan vətəndaşı Enejan Bayramdurduyevanın gəlir əldə etmək məqsədi ilə paytaxtın Yasamal rayonu ərazisində kirayədə yaşadığı mənzildə əxlaqsızlıq yuvası təşkil edib.

Faktla bağlı cinayət işi başlanıb, araşdırma aparılır.