İsrailin baş naziri Benyamin Netanyahu bildirib ki, İsrail ordusu yaxın gələcəkdə sektorun təhlükəsizlik nəzarətini əlində saxlasa belə, müharibə bitdikdən sonra Qəzzada əsgər saxlamağı planlaşdırmır.
Elchi.az bu barədə Timesofisrael.com-a istinadən xəbər verir.
“Qoşunların içəridə qalacağına əmin deyiləm. Və əslində, buna xüsusi ehtiyac yoxdur”, – deyə Netanyahu bildirib.
Müharibədən sonra Qəzzanı kimin idarə edəcəyinə gəlincə, o, “Qəzzada istənilən mülki idarənin mədəniyyətini dəyişdirməliyik. O, terrorizmin maliyyələşdirilməsini öhdəsinə götürə bilməz”.
Onun sözlərinə görə, İsrail HƏMAS-ın məqsədləri ilə razılaşan və fələstinli uşaqları İsrailin məhv edilməli olduğuna ruhlandıran hər kəsi qəbul edə bilməz.
“Yaxın gələcək üçün İsrail tam hərbi məsuliyyət daşıyır. Amma orada mülki hökumət də olmalıdır”, – deyə o, əlavə edib.
Yeganə
