İsveçin NATO-ya daxil olması alyansın hərbi potensialını gücləndirəcək, ona görə də Paris Stokholmun hərəkətlərini dəstəkləyir. Elchi.az TASS-a istinadən xəbər verir ki, bunu Fransa Xarici İşlər Nazirliyinin rəsmi nümayəndəsi Ann-Kler Lejandre NATO ölkələrinin xarici işlər nazirlərinin qarşıdan gələn görüşünü şərh edərkən deyib.
“Noyabrın 28-də Fransanın xarici işlər naziri Ketrin Kolonna Brüsseldə İsveçin alyansa qoşulması prosesinin başa çatdırılmasına həsr olunacaq NATO ölkələrinin nazirlər toplantısında iştirak edəcək”, – deyə diplomat bildirib.
O qeyd edib ki, Stokholmun qəbulu alyans üçün mühüm hadisədir və həmçinin əlavə edib ki, qarşıdan gələn görüş çərçivəsində Ukrayna gündəliyi mühüm yer tutacaq.
Bundan əvvəl məlum olub ki, Türkiyə noyabrın 28-29-da baş tutacaq ittifaq ölkələrinin xarici işlər nazirlərinin görüşündən əvvəl verilən müddəti təxirə salmaq qərarına gəlib və İsveçin NATO-ya üzvlük ərizəsini ratifikasiya etməyəcək.
Havar Şəfiyeva
